Mediterraneoaren (Mare Nostrum = gure itsasoa) inguruan garatu zen zibilizazio hau.

Erroma hiria izan zen sorlekua.

K.a. 500 urtetik K.a. 250 urtera Italiar penintsulako lurraldeak menderatu zituzten. Ondoren Mediterraneoan hedatzen hasi ziren.

I eta II mendeetan lortu zuen hedadurarik handiena, Britainiar uharteetatik Saharako basamorturaino, eta Mesopotamiatik Hispaniaraino.

Bereganatutako lur horietako herri batzuekin itunak hitzartu zituzten eta herri horiek nolabaiteko autonomia zuten, baina beti erromatarren kontrolpean.

Aurre egin zieten herriek zigor gogorra jaso zuten eta biztanleak esklabo bihurtu zituzten.

Mendean hartutako herrietan bere hizkuntza (latina), legeak (erromatar zuzenbidea) eta bizimodua hedatu zituzten.

Inperioa, gobernadore baten agindupean, probintziatan banatu zuten errazago gobernatu eta ustiatzeko. Probintziak zergak ordaintzen zizkion Erromari.