Latindar herriko zenbait herrixka batuz Erroma sortu zuten K.a. 753an.

Monarkia (K.a. 753-509) izan zen izan zuten lehen gobernu mota.

Erromako historiaren lehen mendeetan, familia garrantzitsuenek (patrizioek) aukeratzen zuten erregea.

Erregeak Senatuaren laguntza zuen gobernatzeko. Senatariak familia nagusien buruak izaten ziren.

K.a. VI. mendean etruskoek (latindarren iparraldean bizi ziren herriak) Erroma mendean hartu zuten, baina erromatarrak ez ziren konforme eta K.a. 509an gertatutako matxinadan bere herriaren jabe egin ziren berriro ere.