Kristautasuna

• K.o. I. mendean agertu zen, Jesus Nazaretekoa sortua:

• Jesus Palestinan jaio zen Augusto enperadorearen garaian.

• 30 urterekin dizipulu taldea zuen (apostoluak) eta erlijio-mezu berria zabaltzen hasi zen. Ideia hauek dira oinarria:

  • Jainko bakarra dago eta pertsona guztiak berdinak dira haren begietara.

  • Gizakiek elkar maite eta barkatu behar dute.

  • Erlijio horren jarraitzaileek, hil ostean, betirako bizia izango dute saritzat.

• Mezu hori juduen buruzagientzat arriskutsua zen bere boterea kolokan jar zezakeelako. Beraz Jesus salatu eta Pontzio Pilato erromatar gobernadoreak gurutzean hiltzera kondenatu zuen. Bibliaren arabera hirugarren egunean berpiztu zen.

• Jesus hil ondoren bere apostoluek haren mezua zabaltzen jarraitu zuten eta kristauen kopurua handituz joan zen.

• Lehen kristauak elizetan bildu ziren, apezpiku batek zuzenduta.

• Katakonba izeneko lurpeko galerietan ehorzten zituzten hildakoak.

• Erromatarrek jazarri zituzten enperadorea gurtzeari uko egiten ziotelako, eta, pobreak eta aberatsak, eta, erromatarrak eta barbaroak nahasten zirelako elizetan. Baina, kristauen kopuruak gora eta gora egiten zuen.

• 313an Konstantinok erlijio-askatasuna eman zuen eta kristautasuna gehiago hedatu zen. Gurtzarako lehen basilikak eraiki zituzten.

• 380an Teodosiok Erromatar Inperioaren erlijio ofizial bakarra  izendatu zuen, beste erlijioak debekatuz eta praktikanteak jazarriz.

• Erakunde bat sortuz joan zen: Eliza:

  • Aita Santua, Erromako apezpikua, kristau guztien gidari bihurtu zen. Gainontzeko apezpikuak aita santuaren mende zeuden.

  • Apezpikuak kontziliotan biltzen ziren kristau-doktrinaren alderdi guztiak zehazteko eta finkatzeko.